أمير المعري... رابير ادلبي غاضب "ع كل الجبهات"

الأحد 2019/09/22

أطلق مغني الراب السوري أمير المعري(20 عاماً)، أغنية بعنوان "ع كل الجبهات"، وصف من خلالها حال السوريين ومعاناتهم في الشمال، وذلك في ظل القصف المستمر من قبل النظام السوري وروسيا على المنطقة، وما نتج عنه من نزوح الآلاف وحرمان الأطفال من التعليم.

وقال المعري، على صفحته في "فيسبوك"، إنه صور الأغنية في مناطق متفرقة من محافظة إدلب خلال شهري آب وأيلول الحالي، في الوقت الذي كان النظام السوري يقصف المنطقة بدعم روسي. وأوضح المعري في أغنيته أن إدلب هي معقل الاتفاقيات الروسية، ولا سيما اتفاق مدينة "سوتشي" بين روسيا وتركيا الذي نص على وقف إطلاق النار على إدلب في أيلول 2018، كما أشار إلى "تخاذل فصائل المعارضة في حماية المدنيين وتطرفها، والفساد المنتشر في المنطقة". ويذكرنا غضب المعري بلافتات كفرنبل أو لافتة رفعت في سوريا ونُشرت في الفايسبوك، كتب عليها "فليسقط كل العالم"، نظراً الى تخلي المجتمع الدولي عن سوريا وتركها فريسة القصف والبراميل المتفجرة والمجازر والتشرّد والاحتلالات المتنوعة والمتضاربة المصالح.

اختار أمير لقبه تيمّناً بـ"معرّة النعمان" في محافظة إدلب في سوريا، مدينته التي أبى إلا أن يعود إليها، رغم القصف والتهديد اللّذين يتربّصان بأهلها. ويقول في صفحته الفايسبوكية "أنا الأفاتار في هذا المشهد سمِّني الكاتب الأخير".

ولفت أمير في أغنيته إلى الانتهاكات التي تقوم بها الحكومة الروسية بحق عدد من مغني الراب المناهضين لها، مثل برار هاسكي الذي اعتقلته الحكومة الروسية في تشرين الأول من العام الفائت عندما قدم عرضاً غنائياً مرتجلاً بعد إلغاء عرضه في مدينة كراسنودار الروسية جنوب البلاد. هاسكي البالغ من العمر 26 عاماً والذي حققت تسجيلاته على موقع يوتيوب العام الفائت أكثر من 6 ملايين مشاهدة، يُعرف بأن أغانيه تركّز في الحديث عن فساد الحكومة والمشكلات الاجتماعية كالفقر والحالة القمعية لدى أجهزة الأمن.

ولم تقتصر انتهاكات الحكومة الروسية على ذلك، فقد ألغت عشرات الحفلات لعدد من مغني الراب، من بينهم المغني "غون فلود"، كما حذفت عشرات المقاطع لهم من على موقع يوتيوب

كلمات الأغنية:

هون معقل اتفاقيات الروسي

فحدّد انتماءك بين القاعدة أو الحكم المجوسي

لأنو صواريخن ما بتصيبك لو كنت بصفّن

روح شوف الشعب بعد نتائج مؤتمر سوتشي

غيرنا بينطمر بالعملة ونحن الي منبتلا

فـ اندفنا بالليالي لما طلبنا العلا

ما رح ينفع التظاهر لو الفكر محجّر

زت المقرّر الجامعة انختمت بالشمع الأحمر

ع مين بدي إزعل على رفيقي يلي استشهد

ولا عمنظر رفيقي بنعش إمو عم يتنهد

ع مين... ع هالمشهد لمّا الدم بيمتزج بالدفتر

والأشلاء عم تتعدّد ولسا بيحكوا شمال محرّر

إزعل ع مستقبلي الدراسي

ولا 2000 طالب انطردوا من الكراسي

ولا إزعل ع أستاذي الي رح افقدو

والي وعدني ما رح نيأس فـ مين بدّي واسي

إنتو مين ضلّ منافق ما حكى بالدين

هاد بيدِّعي الخلافة وهاد بيفتي عن يقين

هالسياسة ساخرة

نقابك إخلعو بأرضي هاي البلد طاهرة

هون معقل اتفاقيات الروسي

فحدّد انتماءك بين القاعدة أو الحكم المجوسي

لأنو صواريخن ما بتصيبك لو كنت بصفّن

روح شوف الشعب بعد نتائج مؤتمر سوتشي

تصنّع أيديولوجي تدمير البنى التحتية

فالموازنة بين الألف والقاف ما رح تمحي العنصرية

أو بين إخوان أحزاب أو مذاهب شيوعية

ولو بتفصل أي شي عن الدين بيتّهموك بعلمانية

إلا لو كنت أجنبي الجنسية، اسمك متطرّف

سوق السودة وتبييض الأموال وتجّار عملة وألف مصرف

كلّن سلف ودين متل السلف بالدين

استلموا الميادين بعفرين عملوا مناطق عازلة

وكلو بيشحد عليك إعلاميين

منظّمات خارجية وفصائل متخاذلة

ما تحاول تزرع لتحصد مستقبل لأنك عايش بأراضي قاحلة

عندو ضمير يجبلك شاهدين زور

شافوك عم تسرق ويلزقوك بتهمة باطلة

كل واحد هون راس سلاح وبيت وسيارة وسفر فاخرة

وخطابات ساخرة وعملة بادرة لتنهش الأيادي العاملة

وشو ما سمعت أو شفت لازم تعمل حالك متت

حتى ما تقول ندمت إنك كشفت مخططات فاشلة

غيرنا بينطمر بالعملة ونحن الي منبتلا

ف اندفنا بالليالي لما طلبنا العلا

ما رح ينفع التظاهر لو الفكر محجّر

زت المقرّر الجامعة انختمت بالشمع الأحمر

ع مين بدي إزعل على رفيقي يلي استشهد

ولا عمنظر رفيقي بنعش إمو عم يتنهد

ع مين... ع هالمشهد لمّا الدم بيمتزج بالدفتر

والأشلاء عم تتعدّد ولسا بيحكوا

قال موسيقى الراب فاضحة

نادوا المكافحة لازم نسيطر عالفساد

اعتقلوا هسكي لأنو عم يحكي عالسياسات

ومنعوا كل حفلات غون فلود وديرتي مولي بالبلاد

وخلّينا نوجّه رابرز ما تحكي بسمعة القوّاد

نشروا بالإعلام إنو فنّ داعم للإرهاب

بتصريح بوتين كم رابر ورا القضبان

وكم “فايك” تسمّى فنّان ضجّوا بوسائل الإعلام

قد ما فيكن كبسوا أنفاس الشعوب

أنظمة بتتغذّى عالحروب والدم

كل ما عندن إرسال وفود

استطلاع وتاني يوم بينقصف مخيم

سكروا مداخل التعليم جيبوا مراقبين

لأنو باب الرزق عم يتسكّر

يا بتدفعوا ترخيص يا منعتقل كادر التدريس

يا أما درسوا عنّا ضمن نهج ومقاييس وتكرموا منوصّلكن بباص أخضر

فلا تتحزّر أي جهة بتفوز أو أي فتوى بتجوز

نقط تركية أو روس وزّع شظايا بالروس

بدك دليل ملموس بس إعلامك مبرمج

روبوتات موجّهة بتشرب قطن مهدرج

جبلي واحد فيهن عندو القدرة ينشر تفكيك لشي لقائد متوج

فأكرم النفوس ذلت

“ألو ابني أمر عسكري

وقف القصف النقاط التركية دخلت”

التعليقات

التعليقات المنشورة تعبر عن آراء أصحابها

أمير المعري... رابير ادلبي غاضب "ع كل الجبهات"

تابعنا عبر مواقع التواصل الإجتماعي

إشترك في النشرة الإخبارية ليصلك كل جديد